Германия Украинага Leopard танкларини ёлғиз ўзи тақдим этмайди. Бу ҳақда Германия канцлери Олаф Шольц Социал-демократик партия тадбири чоғида маълум қилди, деб ёзади Reuters.
У ҳали ҳам Украинага қурол-яроғ етказиб беришни иттифоқдошлар билан мувофиқлаштириш зарур деб ҳисоблашини айтди.
Шольцнинг сўзларига кўра, ғарблик иттифоқчилар «бунга тайёргарлик кўриш, муҳокама қилиш ва ташкиллаштиришга кўп вақт сарфлаган».
«Германия бунга ёлғиз ўзи киришмайди. Германия ўз дўстлари ва иттифоқдошлари билан доим яхлит бўлиб қолади», — деди Шольц бундай хавфли вазиятда бошқача иш тутиш масъулиятсизлик бўлишини қўшиб қўяр экан.
Politico ёзишича, Франция ва Польша Украинага Leopard танкларини юбориши учун Германияга босим ўтказмоқда.
Бу танклар кўплаб мамлакатларда, хусусан, Испания, Польша, Греция, Дания ва Финляндияда ҳам бор. Аммо уларни Мюнхендаги Krauss-Maffei Wegmann компанияси ишлаб чиқаради, шу сабабли уларни Украинага етказиб бериш учун ишлаб чиқарувчи мамлакатнинг реэкспорт учун рухсати керак, шу муносабат билан ҳозир «халқаро босим Берлинга қаратилган», дея аниқлик киритди нашр.
Мавзуга доир:
- Зеленский Германиядан танклар етказиб беришни сўради
- «Киевга қурол етказиб беришда Берлин имконият чегарасига етди» — Германия мудофаа вазири
- Германия Украинага қанча керак бўлса, шунча вақт ёрдам кўрсатишни ваъда қилди
- Шольц Байденнинг Россия ҳудудига зарбалар бера оладиган қурол-яроғни Киевга тақдим этмаслик ҳақидаги фикрини қўллаб-қувватлади
Изоҳ (0)