Virgin Orbit kompaniyasi eltuvchi raketani uchirishda muammolar (anomaliyalar) yuzaga kelganini ma’lum qildi, u to‘qqizta sun’iy yo‘ldoshni orbitaga olib chiqishi kerak edi. Bu Buyuk Britaniya hududidan amalga oshirilgan tarixdagi birinchi kosmik qurilma parvozi bo‘ldi. Nosozliklar tufayli raketa orbitaga chiqa olmadi.
Virgin Orbit anomaliya haqidagi axborotni o‘rganayotganini ma’lum qildi.
Kosmik qurilmalar modifikatsiyalangan Boeing-747 samolyoti yordamida orbitaga olib chiqilishi kerak edi. Toshkent vaqti bilan taxminan 3:00 da u Kornuolldagi Nyuki aeroportidan uchib chiqdi. Bir yarim soatdan keyin Boeing-747 LauncherOne raketasini muvaffaqiyatli chiqarib yubordi, so‘ng ortga qaytib, Kornuollga qo‘ndi. Raketa birinchi pog‘ona dvigatellarini tushirib yubordi va Yerga yaqin past orbitaga ko‘tarila boshladi, ammo bu jarayonni yakuniga yetkaza olmadi.
Bu Buyuk Britaniya hududidan amalga oshirilgan birinchi raketa parvozi bo‘ldi. Britaniyada ishlab chiqarilgan sun’iy yo‘ldoshlar bungacha chet eldagi kosmodromlar orqali orbitaga yuborilgan.
Virgin Orbit — britaniyalik milliarder Richard Brensonning kosmik turizm bilan shug‘ullanishni rejalashtirgan Virgin Galactic kompaniyasidan 2017-yilda alohida ajralib chiqqan kompaniya.
Izoh (0)