Bugun,

  • USD 11095.31
  • RUB 173.84
  • EUR 10772.44

Pentagon vakili Patrik Rayder brifing chog‘ida ma’lum qilishicha, idora Belarusning Ukrainadagi nizoga aralashish niyatida ekanidan darak beruvchi belgilarni ko‘rmayapti. Rossiya va Belarus qurolli kuchlari 16-yanvardan 1-fevralga qadar qo‘shma parvoz-taktik mashg‘ulotlarni o‘tkazishni rejalashtirmoqda.

Foto: EPA

Foto: EPA

“Rossiya va Belarus qo‘shma o‘quv mashqlarini o‘tkazmoqchi ekanini bilamiz. Biz Belarus nizoga qo‘shilish niyatida ekanini bildiruvchi belgilarni ko‘rmayapmiz”, — dedi Patrik Rayder.

19-dekabr kuni Rossiya va Belarus prezidentlari Vladimir Putin va Aleksandr Lukashenko Minksda Ittifoq davlati xavfsizligini ta’minlash choralarini muhokama qildi. Xususan, Belarus Harbiy-havo kuchlari samolyotlari yadroviy qismlarga ega o‘q-dorilarni qo‘llash uchun modifikatsiya qilinishi aytildi. Rossiya Tashqi ishlar vazirligi aniqlik kiritishicha, bunday choralar NATO yadro missiyalari rivojlantirilishiga qarshi majburiy javob bo‘lgan.

Rossiya va Belarus Ittifoq davlati 2000-yil yanvaridan buyon mavjud bo‘lib kelmoqda. Ittifoq ishtirokchilari umumiy parlament va konstitutsiya, yagona valyuta yaratishni muhokama qilgan, ammo bunday bitimni qabul qilmagan. 2019-yilda Rossiya tashabbusi bilan muzokaralar qayta boshlandi, 2021-yilda esa tomonlar Rossiya va Belarusning integratsiyalashuviga qaratilgan 28 ta ittifoq dasturlarni kelishib oldi.

10-oktabr kuni Belarus prezidenti Aleksandr Lukashenko rossiyalik hamkasbi Vladimir Putin bilan “Ittifoq davlati g‘arbiy chegaralaridagi keskinlik sababli” mintaqaviy qo‘shinlar guruhini kuchaytirish haqida kelishib olganini ma’lum qildi.

15-oktabr kuni esa mintaqaviy qo‘shin guruhlarining rossiyalik harbiylardan iborat dastlabki eshelonlari Belarusga yetib keldi. Keyinroq esa to‘qqiz mingga yaqin Rossiya harbiylari qo‘shma qo‘shinlar guruhini joylashtirish doirasida Belarusga yetib kelishi ma’lum qilindi.

Ayni paytda esa Rossiya va Belarus mintaqaviy qo‘shinlar guruhini kuchaytirishda davom etmoqda, Belarusga Rossiyadan yangi kuchlar va harbiy texnika yetib kelmoqda.

Mavzuga doir:

Izoh
Asosiy yangiliklar
Mahalliy
“Andijonda 127 ming nafar ishsiz fuqaro mavjud. Har yili yana 50 ming nafar yoshlar mehnat bozoriga kirib keladi” — prezident 
Mahalliy
O‘zbekistonda 2-fevraldan metan zapravkalar faoliyati tiklanadi
Mahalliy
Jizzax, Samarqand, Farg‘onada elektr tarmog‘iga noqonuniy ulanib, qariyb 250 mln so‘m zarar yetkazgan tadbirkorlar ushlandi