“Samarqand aeroporti” chegara bojxona postida mamlakatga noqonuniy tarzda qurol olib kirmoqchi bo‘lgan shaxs to‘xtatib qolindi. Bu haqda Davlat bojxona qo‘mitasi xabar qildi.
Qayd etilishicha, Sheremetevo—Samarqand yo‘nalishidagi aviareys bilan uchib kelgan fuqaro R.H. “yashil” yo‘lak orqali harakatlanayotgan payti bojxona posti xodimlarida shubha uyg‘otgan. Xolislar ishtirokida R.H.ga tegishli bagaj sumka belgilangan tartibda ko‘zdan kechirilgan. Natijada qiymati 5 million so‘mlik 1 dona kalibri 4,5 millimetr bo‘lgan pnevmatik to‘pponcha hamda ushbu to‘pponchaga tegishli 4 dona siqilgan havo balonchalari va 89 dona o‘qlarni tegishli ruxsatnomalarsiz olib kirishga uringani fosh bo‘lgan.
Holat yuzasidan Jinoyat ishlari bo‘yicha sudning hukmi bilan Jinoyat kodeksining tegishli moddalariga muvofiq, sudlanuvchi R.H.ga bazaviy hisoblash miqdorining 5 baravari miqdorida 1,5 million so‘m jarima jazosi tayinlangan.
Shuningdek, huquqbuzarlik ashyosi sifatida olingan 1 dona kalibri 4,5 millimetr bo‘lgan pnevmatik to‘poncha hamda ushbu to‘pponchaga tegishli 4 dona siqilgan havo balonchalari va 89 dona o‘qlari tegishli tartibda yo‘q qilingan.
Izoh (0)