Qashqadaryo viloyatining Ko‘kdala tumanida harakatlanib ketayotgan yuk mashinasida yong‘in chiqdi.
Viloyat FVB matbuot xizmatining ma’lum qilishicha, voqea 10-yanvar kuni soat taxminan 10:55 lar atrofida yuz bergan. Qarshi—Ko‘kdala yo‘nalishi bo‘ylab harakatlanayotgan yuk mashinasi “Qanotli” MFYdan o‘tayotganida yong‘in sodir bo‘lgan.
Vaziyat bo‘yicha Ko‘kdala tumani Favqulodda vaziyatlar bo‘limiga soat 11:10 da kelib tushgan xabardan so‘ng, tuman FVB dan bitta yong’in-qutqaruv bo‘linmasi jalb qilingan. Bo‘linma soat taxminan 11:35 lar atrofida voqea joyiga yetib borib, yong‘inni soat taxminan 11:48 da to‘liq bartaraf etilgan.
Yong‘in oqibatida avtomobilning kabina qismi va shinalari to‘liq zararlangan, hech kim tan jarohati olmagan.
Xabarda qayd etilishicha, yong‘in qutqaruv qismidan yong‘in sodir bo‘lgan manzilga qadar masofa taxminan 25 kilometrni tashkil qilgan.
Izoh (0)