AOKAda o‘tkazilgan brifingda Soliq qo‘mitasi axborot xizmati rahbari vazifasini bajaruvchi Dildora Hoshimova 2022-yildagi soliq tushumlari va 2023-yildan soliq ma’murchiligida joriy etiladigan o‘zgarishlar haqida ma’lumot berdi.
Qayd etilishicha, 2022-yilda soliq organlari tomonidan respublika bo‘yicha 148,4 trillion so‘m soliq tushumlari ta’minlangan. Soliq turlari kesimida:
- mol-mulk solig‘idan — 4 trillion so‘m (o‘tgan yilga nisbatan 63 foiz o‘sish);
- yer solig‘idan — 5,3 trillion so‘m (o‘tgan yilga nisbatan 30 foiz o‘sish);
- aylanmadan olinadigan soliqdan — 2,5 trillion so‘m (o‘tgan yilga nisbatan 52 foiz o‘sish);
- qo‘shilgan qiymat solig‘idan — 32,8 trillion so‘m (o‘tgan yilga nisbatan 28 foiz o‘sish);
- jismoniy shaxslar daromad solig‘idan — 24,3 trillion so‘m (o‘tgan yilga nisbatan 28 foiz ga o‘sish) to‘langan.
Qat’iy belgilangan summada soliq to‘lovchilarning dividendlar tarzida olinadigan daromadlariga soliq solinmaydi va aylanmadan olinadigan soliq hisobotini taqdim etmaydi.
Izoh (0)