Қашқадарё вилоятининг Кўкдала туманида ҳаракатланиб кетаётган юк машинасида ёнғин чиқди.
Вилоят ФВБ матбуот хизматининг маълум қилишича, воқеа 10 январь куни соат тахминан 10:55 лар атрофида юз берган. Қарши—Кўкдала йўналиши бўйлаб ҳаракатланаётган юк машинаси «Қанотли» МФЙдан ўтаётганида ёнғин содир бўлган.
Вазият бўйича Кўкдала тумани Фавқулодда вазиятлар бўлимига соат 11:10 да келиб тушган хабардан сўнг, туман ФВБ дан битта ёнғин-қутқарув бўлинмаси жалб қилинган. Бўлинма соат тахминан 11:35 лар атрофида воқеа жойига етиб бориб, ёнғинни соат тахминан 11:48 да тўлиқ бартараф этилган.
Ёнғин оқибатида автомобилнинг кабина қисми ва шиналари тўлиқ зарарланган, ҳеч ким тан жароҳати олмаган.
Хабарда қайд этилишича, ёнғин қутқарув қисмидан ёнғин содир бўлган манзилга қадар масофа тахминан 25 километрни ташкил қилган.
Изоҳ (0)