Yevropa xavfsizlik va hamkorlik tashkiloti (YXHT) bosh kotibi Xelga Shmid Rossiyaning tashkilotdan chiqarilishini qo‘llab-quvvatlamadi. Ukraina Rossiya delegatsiyasini YXHTdan chetlashtirishni talab qilmoqda.
“Bugungi nuqtai nazardan, Rossiyaning YXHT a’zosi bo‘lishda davom etishi mantiqiy, deb o‘ylayman”, — dedi Shmid xonim Welt gazetasiga bergan intervyusida.
Uning fikricha, bir stol atrofida o‘tirish “diplomatik iltifot almashish”ni anglatmaydi. “Kun kelib bizga yana aloqa kanallari kerak bo‘ladi”, — deb tushuntirdi YXHT bosh kotibi.
Noyabr oyida YXHT Parlament Assambleyasining (PA) sessiyasi bo‘lib o‘tgandi, unda Rossiya Federatsiyasidan delegatlar ishtirok etmadi: tashkilotchilar ularga viza bermadi. Rossiyalik parlamentariylarning ta’kidlashicha, YXHT “munozaralar paytida noqulay nutqlardan qo‘rqqan”. Ukraina delegatsiyasi Rossiya tashkilotdan chiqarilmaguncha YXHT PAni boykot qilishga va’da bergan.
Izoh (0)