Qashqadaryo viloyati Shahrisabz tumanida 1-yanvar kuni fuqaro hamqishlog‘ini urib o‘ldirdi. Viloyat Ichki ishlar boshqarmasi axborot xizmati xabar berdi.
Ma’lum bo‘lishicha, “Tepar” mahallasida yashovchi hamqishloqlar ochiq dala maydoniga borib, shu yerda o‘zaro og‘zaki tortishib qolgan. Natijada o‘rtada bahslashuv yuzaga kelgan.
Shundan so‘ng bir-birini kamsituvchi so‘zlar bilan haqorat qilgani sababli erkak ayolni urib, tan jarohati yetkazgan. 2-yanvar kuni jabrlanuvchi shifoxonaga olib borilgach, shifokorlar ko‘rsatgan tibbiy muolajalarga qaramasdan vafot etgan.
Mazkur holat yuzasidan tergov bo‘linmasi tomonidan fuqaro S.X.ga nisbatan Jinoyat kodeksining 104-moddasi 3-qismi “d” bandi bilan jinoyat ishi qo‘zg‘atilgan. Fuqaro S.X. JPKning 221-moddasi tartibida ushlanib, unga nisbatan qamoqqa olish ehtiyot chorasi qo‘llanilgan.
Mavzuga doir:
Izoh (0)