“Chelsi” Angliya Kubogining 3-bosqichida “Manchester Siti”ga 0:4 hisobida mag‘lub bo‘lib, musobaqa bilan xayrlashdi.
Londonliklar klubi 25 yil deganda ilk bor mazkur musobaqadagi ishtirokini 1/32 finaldayoq yakunladi.
So‘nggi bor “Chelsi” 1997/98-yilgi mavsumda kubokning uchinchi bosqichida o‘z yurishini to‘xtatgandi. O‘shanda poytaxt klubi “Manchester Yunayted”ga yutqazgan (3:5).
“Chelsi” Grem Potter qo‘l ostidagi 18 o‘yinda ikki marta birinchi bo‘limda 3+ to‘p farqi bilan yutqazdi. Tomas Tuxel boshqaruvidagi 100 o‘yinda bunday natija qayd etilmagandi.
“Chelsi” so‘nggi 7 ta rasmiy o‘yindan beshtasida yutqazdi, bir o‘yinda durang, yana birida g‘alaba qayd etilgan. Jamoa APLda 10-o‘rinda boryapti.
Izoh (0)