«Челси» Англия Кубогида сўнгги 25 йил ичидаги энг ёмон натижасини қайд этди

«Челси» Англия Кубогининг 3-босқичида «Манчестер Сити»га 0:4 ҳисобида мағлуб бўлиб, мусобақа билан хайрлашди.

Лондонликлар клуби 25 йил деганда илк бор мазкур мусобақадаги иштирокини 1/32 финалдаёқ якунлади.

Сўнгги бор «Челси» 1997/98 йилги мавсумда кубокнинг учинчи босқичида ўз юришини тўхтатганди. Ўшанда пойтахт клуби «Манчестер Юнайтед»га ютқазган (3:5).

«Челси» Грем Поттер қўл остидаги 18 ўйинда икки марта биринчи бўлимда 3+ тўп фарқи билан ютқазди. Томас Тухель бошқарувидаги 100 ўйинда бундай натижа қайд этилмаганди.

«Челси» сўнгги 7 та расмий ўйиндан бештасида ютқазди, бир ўйинда дуранг, яна бирида ғалаба қайд этилган. Жамоа АПЛда 10-ўринда боряпти.