Putinning atrofidagi “aktyorlar”. Rossiya prezidenti odamlarni aldayaptimi? — BBC surishtiruvi

Rossiya prezidenti Vladimir Putinning Yangi yil munosabati bilan yo‘llagan tabrigida orqa fonda turgan harbiy libosdagi guruh orasida mallasoch ayol omma e’tiborini tortdi. Bu ayol Putinning avvalgi video va suratlarida ham ko‘ringani haqida munozaralar paydo bo‘ldi. Bular qanchalik asosli ekani to‘g‘risida BBC surishtiruv o‘tkazdi va natijalarni e’lon qildi.

BBC Rus xizmati 2020-yili Putinning go‘yoki tasodifiy odamlar bilan gaplashgandek ko‘ringan videolarida aslida ular oddiy odamlar emas davlat rasmiylari bo‘lganini aniqlagandi.

Mallasoch ayol

Ijtimoiy tarmoqlar foydalanuvchilari va The Sun, Daily Mail kabi nashrlar ko‘rsatishicha, bu mallasoch ayolni Putinning atrofida avval ham ko‘rishgan va u turli kadrlarda turfa rolda paydo bo‘lgan, masalan, 2016-yili baliq ovida, 2017-yili cherkovdagi marosimda.

Boshqa OAVlar, masalan, Ukraina nashri xabarida aytilishicha, bu ayol Rossiya Federal gvardiya xizmati xodimi bo‘lishi mumkin.

BBC 2023-yilgi suratni odam yuzini tanish dasturlari yordamida 2016 va 2017-yilgi suratlar bilan solishtirdi. Dastur ularning o‘xshashligini mos ravishda 29 va 28 foiz qilib ko‘rsatdi.

“Odatda moslik 75 foiz va undan yuqori bo‘lganda ularning bitta odam ekani haqida o‘ylashga sabab paydo bo‘ladi”, — deydi Bredford universitetida Vizual o‘rganish bo‘yicha markaz direktori, professor Hasan Ugail.

Bu ayol Rossiya mediasida Larisa Serguxina deb atalgan. Har ikki tadbir ham Novgorodda o‘tkazilgan. Ayol esa prezident Putinning partiyasi “Yagona Rossiya” partiyasidan mahalliy kengashga saylangan deputat bo‘lgan.

BBC 2016-yili qayiqda olingan va rasmiy e’lon qilingan suratni qiyoslaganda 99,8 foiz natija chiqdi. Serguxina, shuningdek, Novgorodda baliqchilik bilan shug‘ullanuvchi kompaniya asoschisi sifatida ham ko‘rsatilgan.

Yangi yil tabrigidagi ayol esa Rossiya mediasida kapitan va harbiy shifokor Anna Sergeyevna Sidorenko deb ko‘rsatilgan. Uning tadbirdagi yuzi “Izvestiya” gazetasi onlayn e’lon qilgan videodan olingan surat bilan solishtirilganda 99,5 foiz natija berdi. Ayolning ismi, shuningdek, Ukraina razvedka xizmati e’lon qilgan ro‘yxatda 71 polk a’zolari orasida ham bor

Baliqchi

2016-yilda to‘rt kishi Putin bilan baliqchilar qayig‘ida suratga tushgan.

Ijtimoiy tarmoqlardagi xabarlarda aytilishicha, xuddi shu to‘rt kishi 2017-yilda cherkov marosimida ham ko‘ringan.

BBC qayiqdagi yuzlarni cherkovdagilar bilan zarur dasturi orqali taqqoslaganda to‘rt nafar erkakning natijasi 99 foizdan chiqqan, shuning uchun nashr jurnalistlari ularning kimligi bilan qiziqqan.

Ularning barchasi Novgorod viloyatida ishlagani va kamida uch nafari baliqchilik bilan shug‘ullanganini tasdiqlovchi dalillar topildi.

Baliqchilar brigadasi rahbari Aleksey Lyashenko (1) suratda Putin bilan tushgan. Bu haqda uning ijtimoiy tarmoqlardagi akkauntlaridan, shuningdek, internetda brigada haqida e’lon qilingan profillardan bilsa bo‘ladi.

Xuddi shu profilga ko‘ra, ushbu brigada mahalliy “Yevroximservis” qishloq xo‘jaligi konglomerati tarkibiga kiradi, uning o‘rinbosari — Larisa Serguxina (3).

Sergey Aleksandrov (2) Rossiya ommaviy axborot vositalarida baliqchi sifatida tilga olingan. Uning ijtimoiy tarmoqdagi profilida ham uni baliqchi kiyimida ko‘rish mumkin.

Ijtimoiy tarmoqlarda 4-raqamli shaxsning profilini topish imkoni bo‘ladi, lekin BBC jurnalistlari unga mos keladigan rasmni topdi, uning ostida kuzatuvchilardan biri: “Qanday qilib Putin bilan?”, deb izoh qoldirgan. Unga: “Men Novgorodda ish joyida Putin bilan bir necha marta uchrashganman”, deb javob berilgan.

Yevgeniy Lyashenko (5 yosh) — Alekseyning o‘g‘li. U ham xuddi shu jamoaning bir qismi sifatida brigada profilida ko‘rsatilgan. Aleksey va Yevgeniyning ota-o‘g‘il ekanini tasdiqlovchi ijtimoiy tarmoqlardagi akkauntlari bor.

Internetda joylashtirilgan yana bir suratda ikki baliqchi bir necha yil avval Stavropol o‘lkasida Putin bilan uchrashgan va unda ular fermer deb ko‘rsatilgan. Ammo tanlangan fermerlar va ikkita baliqchining yuzlari solishtirilganda, natija 8 foizdan kamroq chiqdi.

Muzqaymoq sotuvchisi

O‘tmishdagi voqealarning potensial ishtirokchisi sifatida mallasochlilar belgilanishiga yana bir qancha misollar bor, jumladan 2017 va 2019-yillardagi aviashouda prezident Putinga muzqaymoq berayotgan ayolning ikkita fotosuratini olaylik.

Undagi tasvirlar yon tomondan olingan, bu esa yuzni aniqlashni qiyinlashtiradi, shuning uchun undan xulosa chiqarib bo‘lmaydi.

Ammo jurnalistlar 2019-yilda Rossiya televideniyesida o‘zini muzqaymoq sotuvchisi, deb ko‘rsatgan ayol bilan suhbatni topdi. Agar ular bitta odam bo‘lsa, buning ajablanarli joyi yo‘q, chunki ularning ikkalasi ham Putin ikki yil farqi bilan ishtirok etgan bitta aviashouda suratga olingan.

Odamlar Putinga muzqaymoq sotgan o‘sha ayol o‘zini Rossiyaning “Aeroflot” aviakompaniyasi xodimi sifatida ko‘rsatayotganini da’vo qiladi, biroq yana o‘sha gap, bu holatda suratlarni solishtirish uchun yuzni tanish dasturi ishonchli vosita emas.