Farg‘ona viloyatining Qo‘shtepa tumanida 8-yanvar kuni transformator yonib ketdi.
FVV matbuot xizmatining ma’lum qilishicha, shu kuni soat 17:54 da tuman FVBga “O‘qchi” MFY hududida joylashgan transformatorda yong‘in sodir bo‘layotgani to‘g‘risida xabar kelib tushgan.
Voqea joyiga 2 ta yong‘in-qutqaruv ekipaji soat 18:00 da yetib borgan, hududiy elektr tarmoqlari korxonasi mutaxassislari tomonidan transformator elektr tarmog‘idan uzilgandan so‘ng yong‘in soat 18:08 da to‘liq bartaraf etilgan.
Hodisa oqibatida tan jarohati olgan va halok bo‘lganlar yo‘q.
Hozirda yong‘in sababi va keltirilgan zarar miqdori aniqlanmoqda. Taxminlarga ko‘ra, bunga ortiqcha kuchlanish sabab bo‘lgan.
Izoh (0)