Jizzax viloyatining Forish tumanidagi yer maydoniga bochka ichida noma’lum shaxsning murdasi topildi. Bu haqda “Yoshlar” telekanalining “Yangi davr” informatsion dasturida ma’lum qilindi.
Huquqni muhofaza qiluvchi organlar tomonidan tegishli tartibda surishtiruv va o‘rganish ishlari olib borilishi natijasida marhumda qotillik bilan bog‘liq yoki boshqa jarohat izlari topilmagan.
Forish tumanining tog‘ etagida joylashgan “Sayyod” mahallasida suv zaxiralashga mo‘ljallangan bochka ichidan 4-yanvar kuni topilgan jasad Bosh prokuraturaning ma’lum qilishicha, 50-55 yoshlar atrofidagi erkak kishiniki.
Sudga oid tibbiy ekspertizaning xulosasiga ko‘ra, marhum sovqotishi natijasida vafot etgan va unda tan jarohatlari aniqlanmagan. Topilishidan taxminan 20-25 kun avval o‘lgan.
Ko‘zdan kechirish vaqtida marhumning shimi cho‘ntagidan 52 ming so‘m pul va kostyumi cho‘ntagidan ikki dona daftar chiqqan. Uning nega va qanday qilib bochka ichiga tushgani noma’lum.
Hozirda holat yuzasidan Forish tuman prokuraturasi tomonidan tegrovga qadar tekshiruv harakatlari olib borilmoqda.
Izoh (0)