AOKAda o‘tkazilgan brifingda Adliya vazirligi axborot xizmati rahbari Sevara O‘rinboyeva vazirlikning 2022-yilda amalga oshirgan ishlari haqida ma’lumot berdi.
Qayd etilishicha, yil davomida huquqiy targ‘ibot sohasida mamlakatda aholining huquqiy ongini oshirish bo‘yicha 399 mingdan ortiq manzilli huquqiy targ‘ibot tadbirlari o‘tkazilgan.
Nodavlat notijorat tashkilotlari sohasida: Vazirlik tomonidan 382 ta yangi va 297 ta NNTlar qayta, shuningdek, 19 ta diniy tashkilotlar davlat ro‘yxatidan o‘tkazilgan. 301 ta NNT faoliyati tugatilgan.
Huquqiy xizmat ko‘rsatish sohasida jami notarial harakatlar soni 4 950 436 tani tashkil etgan.
Shundan:
- hujjatlardagi tarjimon imzosini haqiqiyligini shahodatlash – 205 921 ta;
- garov shartnomalari – 240 013 ta;
- boshqa turdagi ishonchnomalar – 242 673 ta;
- ko‘chmas mulkni oldi-sotdi shartnomalari – 244 077 ta;
- avtomototransport ishonchnomalari – 450 242 ta;
- boshqa turdagi arizalar – 727 001 ta;
- avtomototransport vositasini oldi-sotdi shartnomalari – 984 417 ta;
- er va xotinning umumiy mol-mulkni tasarruf etish bo‘yicha bitim tuzishi uchun xotin (er)ning notarial tartibda tasdiqlangan rozilik arizalari – 1 019 821 tadan iborat.
76 nafar fuqaroga xususiy amaliyot bilan shug‘ullanish huquqini beruvchi litsenziya berilgan. 22 nafar xususiy amaliyot bilan shug‘ullanuvchi notariusning litsenziyasi tugatilgan.
Izoh (0)