АОКАда ўтказилган брифингда Адлия вазирлиги ахборот хизмати раҳбари Севара Ўринбоева вазирликнинг 2022 йилда амалга оширган ишлари ҳақида маълумот берди.
Қайд этилишича, йил давомида ҳуқуқий тарғибот соҳасида мамлакатда аҳолининг ҳуқуқий онгини ошириш бўйича 399 мингдан ортиқ манзилли ҳуқуқий тарғибот тадбирлари ўтказилган.
Нодавлат нотижорат ташкилотлари соҳасида: Вазирлик томонидан 382 та янги ва 297 та ННТлар қайта, шунингдек, 19 та диний ташкилотлар давлат рўйхатидан ўтказилган. 301 та ННТ фаолияти тугатилган.
Ҳуқуқий хизмат кўрсатиш соҳасида жами нотариал ҳаракатлар сони 4 950 436 тани ташкил этган.
Шундан:
- ҳужжатлардаги таржимон имзосини ҳақиқийлигини шаҳодатлаш – 205 921 та;
- гаров шартномалари – 240 013 та;
- бошқа турдаги ишончномалар – 242 673 та;
- кўчмас мулкни олди-сотди шартномалари – 244 077 та;
- автомототранспорт ишончномалари – 450 242 та;
- бошқа турдаги аризалар – 727 001 та;
- автомототранспорт воситасини олди-сотди шартномалари – 984 417 та;
- эр ва хотиннинг умумий мол-мулкни тасарруф этиш бўйича битим тузиши учун хотин (эр)нинг нотариал тартибда тасдиқланган розилик аризалари – 1 019 821 тадан иборат.
76 нафар фуқарога хусусий амалиёт билан шуғулланиш ҳуқуқини берувчи лицензия берилган. 22 нафар хусусий амалиёт билан шуғулланувчи нотариуснинг лицензияси тугатилган.
Изоҳ (0)