Ijtimoiy tarmoqlarda 2023-yil 1-yanvardan boshlab O‘zbekiston fuqarolari uchun kripto-aktivlarni sotish va sotib olish taqiqlanishi haqida xabarlar tarqaldi. Istiqbolli loyihalar milliy agentligi holatga munosabat bildirdi.
Agentlikning qayd etishicha, ushbu ma’lumot haqiqatga to‘g‘ri kelmaydi.
2022-yil 29-dekabr kuni agentlikning rasmiy veb-saytida 2023-yil 1-yanvardan boshlab O‘zbekiston Respublikasi fuqarolari va yuridik shaxslari kripto-aktivlarni sotib olish, sotish va (yoki) ayirboshlash bo‘yicha operatsiyalarni faqat milliy xizmatlar provayderlar orqali qonunchilik hujjatlarida (O‘zbekiston Respublikasi prezidentining 2018-yil 3-iyuldagi PQ-3832-son “O‘zbekiston Respublikasida raqamli iqtisodiyotni va kripto-aktivlar aylanmasi sohasini rivojlantirish chora-tadbirlari to‘g‘risida”gi qarorining 3-bandi “d” kichik bandi) belgilangan tartibda amalga oshirishlari mumkinligi haqida xabar e’lon qilingan edi.Agentlik fuqarolar va ommaviy axborot vositalari vakillarini yolg‘on ma’lumotlar tarqalishiga yo‘l qo‘ymaslikka hamda kripto-aktivlar aylanmasi haqidagi ma’lumotlarni rasmiy axborot resurslar orqali qayta tekshirishga chaqirgan.Xabarda, shuningdek, O‘zbekiston Respublikasida kripto-aktivlar aylanmasi sohasidagi faoliyatni amalga oshirish uchun tegishli litsenziya olmagan xorijiy platformalarda kripto-aktivlar bilan har qanday operatsiyalarni amalga oshirish ma’muriy, jinoiy va boshqa turdagi javobgarlik choralarini qo‘llashga majburlovchi qoidabuzarlik ekanligi ham alohida ta’kidlab o‘tilgan, — deyiladi xabarda.
Izoh (0)