Toshkentda olti yoshli qizga tegajog‘lik qilgan erkakka nisbatan sud hukmi o‘qilib, u 10 yilga ozodlikdan mahrum etildi. Bu haqda “Daryo” so‘roviga asosan Toshkent shahar sudi matbuot kotibi Sadoqat Allaberganova ma’lum qildi.
Voqea 2022-yilning yozida yuz bergan edi. Oktabr oyida Jinoyat ishlari bo‘yicha Yunusobod tuman sudiga Jinoyat kodeksining 119-moddasi (jinsiy ehtiyojni zo‘rlik ishlatib g‘ayritabiiy usulda qondirish) 4-qismi va 129-moddasi (16 yoshga to‘lmagan shaxsga nisbatan uyatsiz-buzuq harakatlar qilish) 1-qismi bilan R. Sh.ga nisbatan bo‘lgan jinoyat ishi kelib tushgan.
Sud muhokamasi 17-oktabrdagi tayinlash ajrimi bilan 26-oktabr kuniga yopiq sud majlisida ko‘rish uchun tayinlanib, yopiq sud majlisida ishni ko‘rish boshlangan. Sud hukmi 22-dekabr kuni e’lon qilingan.
Jinoyat ishlari bo‘yicha Toshkent shahar Yunusobod tuman sudi 47 yoshli R.Sh.ni Jinoyat kodeksining 25, (jinoyatga tayyorgarlik ko‘rish va jinoyat sodir etishga suiqasd qilish) 119-moddalari bilan jinoyat sodir etganlikda aybdor deb topgan va 10 yil muddatga ozodlikdan mahrum qilish jazosiga hukm qilgan.
Izoh (0)