Angliyada Kubok musobaqalarini isloh qilish bo‘yicha yig‘ilish bo‘lib o‘tadi

Angliyada Kubok musobaqalarini isloh qilish bo‘yicha muhokamalar bo‘lib o‘tmoqda.

7-yanvar, juma kuni APL rasmiylari, Angliya futbol assotsiatsiyasi (FA) va Angliya futbol ligasi (EFL) yig‘ilish o‘tkazadi.

Kun tartibidagi masalalar qatorida Angliya Kubogi o‘yinlarida 3-bosqichdan boshlab (Premyer Ligasi klublari ham ushbu bosqichdan musobaqadagi ishtirokini boshlaydi) durang natija bo‘lsa, takroriy o‘yinlarni bekor qilish ham bo‘ladi.

Shuningdek, Angliya Superkubogi kelajagi ham muhokama qilinadi. Klublar ushbu o‘yinni yozda o‘tkazish mavsumoldi tayyorgarliklarga xalaqit beradi, deb hisoblaydi. Rasmiylar o‘yinni Premyer Liganing birinchi turi qatorida yoki mavsum o‘rtasida o‘tkazishni taklif qiladi. Boshqa mamlakat muxlislarining ham e’tiborini jalb etish uchun Superkubok o‘tkaziladigan joy o‘zgarishi mumkin. Katta ehtimol bilan Angliya Superkubogi AQSHda o‘tkaziladi.

Undan tashqari Premyer Liga klublari Yevrokuboklarda ishtirok etuvchi klub vakillari Kubok bahslariga yoshlar jamoalarini qo‘yib yuborishi yoki umuman turnirda ishtirok etishdan voz kechishni talab qilmoqda.

O‘zgarishlar 2024-yildan kuchga kirishi mumkin. EFL bu holatda quyi divizion klublarining Kubokdagi umumiy daromadi yiliga 300 million funt sterlinggacha ko‘tarilishini istaydi.