Англияда Кубок мусобақаларини ислоҳ қилиш бўйича муҳокамалар бўлиб ўтмоқда.
7 январь, жума куни АПЛ расмийлари, Англия футбол ассоциацияси (FA) ва Англия футбол лигаси (EFL) йиғилиш ўтказади.
Кун тартибидаги масалалар қаторида Англия Кубоги ўйинларида 3-босқичдан бошлаб (Премер Лигаси клублари ҳам ушбу босқичдан мусобақадаги иштирокини бошлайди) дуранг натижа бўлса, такрорий ўйинларни бекор қилиш ҳам бўлади.
Шунингдек, Англия Суперкубоги келажаги ҳам муҳокама қилинади. Клублар ушбу ўйинни ёзда ўтказиш мавсумолди тайёргарликларга халақит беради, деб ҳисоблайди. Расмийлар ўйинни Премер Лиганинг биринчи тури қаторида ёки мавсум ўртасида ўтказишни таклиф қилади. Бошқа мамлакат мухлисларининг ҳам эътиборини жалб этиш учун Суперкубок ўтказиладиган жой ўзгариши мумкин. Катта эҳтимол билан Англия Суперкубоги АҚШда ўтказилади.
Ундан ташқари Премер Лига клублари Еврокубокларда иштирок этувчи клуб вакиллари Кубок баҳсларига ёшлар жамоаларини қўйиб юбориши ёки умуман турнирда иштирок этишдан воз кечишни талаб қилмоқда.
Ўзгаришлар 2024 йилдан кучга кириши мумкин. EFL бу ҳолатда қуйи дивизион клубларининг Кубокдаги умумий даромади йилига 300 миллион фунт стерлинггача кўтарилишини истайди.
Изоҳ (0)