Belarus Respublikasida 2023-yilning 4—14-avgust kunlari II MDH o‘yinlari bo‘lib o‘tadi.
MDHga a’zo davlatlar vakillari dekabr oyida Hamdo‘stlik mamlakatlari o‘yinlariga tayyorgarlik ko‘rish va uni o‘tkazish bo‘yicha ishchi guruh yig‘ilishida musobaqa nizomini tasdiqlagan.
MDH Ijroqo‘mi matbuot xizmati xabariga ko‘ra, II MDH o‘yinlari 2023-yilning 4—14-avgust kunlari bo‘lib o‘tishi rejalashtirilgan. O‘yinlar Belarusning 11 shahrida 21 xil sport turi bo‘yicha o‘tkaziladi.
Unda 3 mingdan ortiq ishtirokchi va mutaxassislar ishtirok etishi kutilmoqda. Musobaqalarda Ozarbayjon, Armaniston, Belarus, Qozog‘iston, Qirg‘iziston, Moldova, Rossiya, Tojikiston, Turkmaniston va O‘zbekiston sport delegatsiyalari ishtirok etishi rejalashtirilgan. Mo‘g‘uliston, Xitoy, Kuba, Eron, Ummon, Saudiya Arabistoni delegatsiyalarining ayrim sport turlarida ishtirok etish masalalari ishlab chiqilmoqda.
I MDH o‘yinlari 2021-yilning 4—11-sentabr kunlari Rossiyaning Qozon shahrida bo‘lib o‘tgan edi. Musobaqada MDHning 9 davlati – Ozarbayjon, Armaniston, Belarus, Qozog‘iston, Qirg‘iziston, Moldova, Rossiya, Tojikiston va O‘zbekiston terma jamoalaridan 1000 nafardan ortiq sportchi ishtirok etgan. Ishtirokchilar sportning 16 turi bo‘yicha 181 ta medallar jamlanmasi uchun o‘zaro musobaqalashgan edi.
Izoh (0)