Italiya terma jamoasi sobiq hujumchisi Janluka Vialli vafot etdi.
Vialli 2017-yildan beri oshqozon osti bezi saratoni bilan og‘rib kelayotgandi.
2022-yilning dekabrida Janluka Italiya terma jamoasi rahbarligi lavozimidan ketgan va bor kuchini kasallikni yengishga sarflashini aytgandi.
Vialli futbolchilik faoliyati davomida “Kremoneze”, “Sampdoriya”, “Yuventus” va “Chelsi” klublari sharafini himoya qilgan. “Chelsi” va “Uotford” jamoalarida murabbiylik vazifasini bajargan.
U Italiya terma jamoasi bilan Yevro—1988 va JCH—1990 da bronza medallariga ega chiqqan. 2019-yildan 2022-yil oxiriga qadar Italiya terma jamoasi shtabida faoliyat yuritgan hamda Yevro—2020 g‘olibiga aylangandi.
Izoh (0)