Argentina terma jamoasining hujumchisi Lionel Messi L’Equipe nashri talqiniga ko‘ra 2022-yilning eng yaxshi sportchisi deb topildi.
35 yoshli futbolchi terma jamoasi bilan Qatarda bo‘lib o‘tgan Jahon Chempionatida g‘olib bo‘ldi va musobaqaning eng yaxshi futbolchisiga aylandi.
Ovoz berish natijalariga ko‘ra ikkinchi o‘rinni “PSJ” hujumchisi Kilian Mbappe egalladi. Uchinchi o‘rinda esa tennischi Rafael Nadal turibdi. “Real” hujumchisi Karim Benzema esa 6-o‘rindan joy olgan.
To‘liq ro‘yxat quyidagi ko‘rinishda:
1. Lionel Messi (futbol, 808 ball);
2. Kilian Mbappe (futbol, 381);
3. Rafael Nadal (tennis, 285);
4. Remko Evenepul (velosport, 252);
5. Maks Ferstappen (Formula-1, 196);
6. Karim Benzema (futbol, 195);
7. Arman Dyuplantis (yengil atletika, 185);
8. Stefen Karri (basketbol, 139);
9. Antuan Dyupon (regbi, 105);
10. David Popovich (suzish, 98).
Reyting yashirin ovoz berish natijalari orqali aniqlanadi. Ovoz berish 20-dekabrga qadar davom etgan.
2012-yildan boshlab sovrin Fransiyadagi eng yaxshi sportchi uchun, jahondagi eng yaxshi sportchi uchun alohida-alohida beriladi.
Izoh (0)