AOKAda o‘tkazilgan brifingda Adliya vazirligi axborot xizmati rahbari Sevara O‘rinboyeva vazirlikning 2022-yilda amalga oshirgan ishlari haqida ma’lumot berdi.
Qayd etilishicha, murojaatlar bilan ishlash va huquqni qo‘llash imkoniyati sohasida vazirlikka jami 131,5 mingta murojaatlar kelib tushgan. Shundan 110,4 mingtasi, ya’ni 84 foizi qonuniy hal etilgan.
Vazirlik tomonidan aniqlangan qonun buzilishi holatlari yuzasidan 52 003 ta taqdimnoma kiritilgan. 10 486 nafar shaxslar ma’muriy, 22 146 nafar shaxslar intizomiy javobgarlikka tortilgan. Shundan 579 nafar xodim bilan tuzilgan mehnat shartnomasi bekor qilingan.
Sudlarga 370 milliard so‘mlik 29 828 ta da’vo kiritilgan. 289,4 milliard so‘mlik 28 242 ta da’vo qanoatlantirilgan.
Yuridik xizmat ko‘rsatish sohasida xizmat ko‘rsatiladigan tashkilotlar soni 20 mingtaga yetkazilgan. Ular tomonidan 3 million hujjatni qonuniy qabul qilinishi ta’minlangan.
Davlat xizmatlari sohasida vazirlik tomonidan 19 milliondan ortiq davlat xizmatlari ko‘rsatilgan.
Ko‘rsatilgan davlat xizmatlari natijasida milliy valyutada 331,9 milliard so‘m undirilgan. 93 336 ta yuridik shaxs davlat ro‘yxatidan o‘tkazilgan. Davlat xizmatlarini 25 ta yangi turlari joriy etilib, elektron shaklda ko‘rsatish 21 foizdan oshgan.
Izoh (0)