“Tottenhem” klubi Premyer Liga 19-turida “Kristal Pelas” 4:0 hisobida mag‘lub etdi.
Uchrashuvda “shporlar” forvardi Harri Keyn dubl qayd etgan bo‘lsa, koreyalik hujumchi Son Hyon Min bitta gol urdi.
Son va Keyn APLning 34-o‘yinida birgalikda gol urdi. Shu tariqa “Tottenhem” hujum juftligi bu borada “Liverpul”dagi Muhammad Saloh va Sadio Mane (33) tandemidan o‘tib ketdi.
Bundan tashqari Keyn va Son yana bir natija qayd etdi. Har ikki futbolchi APLda ishchi bo‘lmagan oyog‘ida 40 va undan ko‘p gol urgan. Ularga qadar liga tarixidagi hech qaysi futbolchi bu natijaga erisha olmagan.
Keyn APL joriy mavsumida 18 o‘yin o‘tkazib, 15 gol va bitta golli uzatma muallifiga aylandi. Son Hyon Min esa 16 o‘yinda 4 gol va 2 ta assist ijro etdi.
Izoh (0)