Ukraina prezidenti Vladimir Zelenskiy 3-yanvar kuni kechki murojaatida Rossiyada go‘yoki “yangi safarbarlik jarayonlari” tayyorlanayotgani haqida gapirdi.
Zelenskiy bu mavzuda Kanada, Niderlandiya, Buyuk Britaniya va Norvegiya bosh vazirlari bilan 3-yanvar kungi telefon suhbatlari chog‘ida gaplashgan.
Biz bu yilni Ukrainaga hozir — terrorchi davlat tomonidan tayyorlanayotgan yangi safarbarlik jarayonlari arafasida nimalar eng kerak bo‘lishi haqidagi muhokamadan boshladik. Aynan hozir hamkorlarimiz bilan birgalikda mudofaani kuchaytirishimiz zarur.Zelenskiy qanday “safarbarlik jarayonlari”ni nazarda tutgani va ular qachon boshlanishi mumkinligiga aniqlik kiritmadi.Rossiyaning hozirgi xo‘jayinlari urush to‘lqinini o‘zgartirishga va hech bo‘lmaganda mag‘lubiyatini ortga surishga urinib, ularda qolgan yoki to‘play oladigan hammani (jangga) tashlashga shubhamiz yo‘q. Biz bu rus ssenariysiga barham berishimiz kerak. Ularning yangi hujumga har qanday urinishlari muvaffaqiyatsizlikka uchrashi lozim, — dedi Ukraina rahbari.
30-dekabr kuni Ukraina mudofaa vaziri Oleksiy Reznikov yanvar oyi boshida Rossiya hukumati erkaklar uchun chegaralarni yopib, harbiy holat e’lon qilmoqchiligi va safarbarlikning navbatdagi to‘lqinini boshlamoqchiligini aytgandi. Ukraina Mudofaa vazirligining bosh razvedka boshqarmasi boshlig‘i Kirill Budanovning aytishicha, safarbarlikning yangi to‘lqini go‘yoki 5-yanvardan boshlanadi.
Reznikov ham, Budanov ham bunday ma’lumotni qayerdan olganiga izoh bermadi. Shu bilan birga, Ukraina Qurolli kuchlari bosh shtabi 31-dekabr kuni ertalabki hisobotida Qrim hududida 2023-yil yanvar oyida harbiy xizmatga chaqirilishi lozim bo‘lgan shaxslar ro‘yxati tuzilgani haqida ma’lum qildi.
Izoh (0)