Baykar kompaniyasi direktorlar kengashi raisi, Turkiya prezidenti Rajab Toyyib Erdo‘g‘onning kuyovi Selchuk Bayraktar Turkiya dronlari haqida bayonot berdi. Bu haqda SonDakika xabar berdi.
Selchuk Bayraktar agar Baykar dronlariga ega davlatlar Turkiyaga urush e’lon qilsa, nima bo‘lishi haqidagi savolga javob bergan.
“Yuqori texnologiyali qurilmalarda ilg‘or dasturiy ta’minot mavjud. Ushbu dasturiy ta’minotni ishlab chiqaruvchi mamlakat qurilmalarda ustunlikka ega bo‘ladi”, — dedi u va butun dunyo Turkiya tomonidan ishlab chiqilgan dronlarni ko‘rganida, jangovar paradigma o‘zgarishini aytgan.
“Albatta, dronlar sotiladigan mamlakatlar bilan yaqin aloqa bo‘lib, ularning Turkiyaga urush e’lon qilish ehtimoli yo‘q. Bundan tashqari, dronlar yuqori texnologiyali qurilmalar bo‘lib, dasturiy ta’minot bilan jihozlangan. Ushbu texnologiyani ishlab chiquvchi mamlakatgina dasturiy ta’minotda ustunlik qiladi. Ammo bu shuni anglatadiki, Turkiya dronlar sotadigan davlatlar bilan allaqachon strategik ittifoqqa ega”, — deydi Selchuk Bayraktar.
Shuningdek, u Baykar kompaniyasining xakerlarga qarshi ko‘rayotgan choralari haqida ham ma’lumot bergan.
“Albatta, axborot xavfsizligi bilan bog‘liq maxsus choralarimiz bor. Hozirgi davrda hukumat ham xakerlik hujumiga uchramoqda. Bularning barchasiga qarshi maxsus choralar ko‘ryapmiz, bu poygadir”, — deydi u.
Mavzuga doir:
Izoh (0)