АОКАда ўтказилган брифингда Кадастр агентлиги ахборот хизмати раҳбари Неъмат Атамуратов ер ва кадастр назорати йўналишида 2022 йилда амалга оширилган ишлар сарҳисоби юзасидан маълумот берди.
Кадастр агентлиги органлари томонидан 18 389 та (6 157,5 гектар) ер қонун бузилишини содир этган шахсларга огоҳлантириш хатлари юборилган. Шундан 9 927 таси (4 957,8 гектар) фуқаролар томонидан ихтиёрий равишда бартараф этилган.
2 135 та (15 130,4 гектар) ҳолатда ерлардан мақсадсиз фойдаланиш ҳолатлари аниқланиб, 1 919 та (14 099,7 гектар) ҳолатда ҳокимликларга тақдимномалар киритилган. Шундан 179 та ҳолатда (3 716,6 гектар) ер майдонларининг туман ҳокимликлари захирасига қайтарилиши таъминланган. Шунингдек, 216 та ҳолатда (1 030,7 гектар) судларга тўғридан-тўғри даъво киритилган.
2022 йил давомида мулкка бўлган ҳуқуқини давлат рўйхатидан ўтказиш учун ўз вақтида ваколатга органга мурожаат этмаслик ҳолати бўйича жами 23 292 та ҳолат аниқланиб, уларга нисбатан тегишли чоралар кўрилган.
Изоҳ (0)