Turkiya Ichki ishlar vazirligi tomonidan maxsus xizmatlar yordamida Istanbulda olib borilgan operatsiyada ISHID terrorchilik tashkilotiga aloqador xorijlik fuqaro qo‘lga olindi. Bu haqda Anadolu xabar berdi.
Istanbul xavfsizlik boshqarmasi ma’lumotiga ko‘ra, qo‘lga olingan shaxs M.A shaharning gavjum va mashhur sayyohlik joylarida hujumlar uyushtirishni rejalashtirgan, shuningdek, ijtimoiy tarmoqlarda tahdidli videolar tarqatgan. Tintuv chog‘ida unda taqiqlangan terrorchilik tashkilotining ramzlari va tig‘li qurollar aniqlangan. ISHID jangarisi sud qarori bilan hibsga olingan.
ISHID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Eslatib o‘tamiz, 13-noyabr kuni Istanbulning markaziy Beyog‘lu tumanidagi piyodalar uchun mo‘ljallangan Istiqlol ko‘chasida portlash sodir bo‘ldi. Olti kishi halok bo‘ldi, 81 kishi yaralandi. Mamlakat rasmiylari hodisani terakt sifatida baholadi. Teraktga aloqadorlikda gumonlangan suriyalik ayol ko‘rsatma berdi.
Izoh (0)