Buxoro—Toshkent yo‘nalishidagi “Afrosiyob” poyezdi to‘xtab qolgani sabab yo‘lovchilar zaxira poyezdda yetkazib qo‘yildi. Bu haqda “O‘zbekiston temir yo‘llari” matbuot xizmati xabar berdi.
Ma’lum qilinishicha, 2023-yil 1-yanvar kuni ushbu yo‘nalishdagi 769-sonli “Afrosiyob” poyezdi elektr kuchlanishli sim tarmog‘idagi nosozlik sababli Yangi Chinoz—Chinoz peregon oralig‘ida to‘xtab qolgan. “O‘zbekiston temir yo‘llari” poyezd Toshkentga kechikib kelishi haqida ogohlantirgan.
Yo‘lovchilarni manzilga xavfsiz yetkazib kelish maqsadida 20:35 da Toshkent Shimoliy vokzalidan zaxira “Afrosiob” elektropoyezdi jo‘natilgan va poyezd Chinoz bekatiga 21:05 yetib borib, 269 nafar yo‘lovchi zaxira poyezdiga xavfsiz o‘tkazilgan. Soat 22:05 da poyezd Toshkent Markaziy vokzaliga yetib kelgan.
“Yo‘lovchilarga yo‘l davomida qo‘shimcha issiq choy, kofe va oziq-ovqat bepul tarqatildi. 269 nafar yo‘lovchiga chipta narxi to‘liq qaytarib beriladi”, — deb qayd etilgan xabarda.
Izoh (0)