2022-yil nafaqat ko‘plab shou-biznes va madaniyat soha vakillari oila qurishdi, balki farzandlarining nikoh to‘yini o‘tkazganlar ham ko‘p bo‘ldi. Xo‘sh, yakunlanayotgan yilda mashhur insonlarda kimlar qaynona va qaynota bo‘lish sharafiga muyassar bo‘lishdi.
Zulayho Boyxonova
O‘zbekiston xalq artisti Zulayho Boyxonova 2-fevral kuni yolg‘iz o‘g‘lini uylantirdi. To‘yda ko‘plab san’at vakillari ishtirok etib, ikki yoshga baxt tilashdi.
Saida va Jumadulla Rametov
Bu yil Rametovlar oilasi oilasi uchun quvonchli voqealarga boy bo‘ldi. Saida va Jumadulla Rametovlar yakunlanayotgan yilning 4-mart kuni kenja o‘g‘li Aziz Rametovni uylantirishdi. Undan keyin qo‘shaloq nabirali bo‘lishdi. Yil yakunida esa Aziz Rametov o‘g‘il farzandli bo‘lganligini ma’lum qildi.
Uchqun Tillayev
O‘zbekistonda xizmat ko‘rsatgan artist Uchqun Tillayev 1-avgust kuni o‘g‘li Turg‘unbekni uylantirdi. To‘yga ko‘plab taniqli teatr va kino aktyorlari tashrif buyurib, Sitoraxon va Turg‘unbekka baxt tilashdi.
Asadillo Nabiyev
15-avgust kuni O‘zbek Milliy akademik drama teatri aktyori Asadillo Nabiyev ham qizini turmushga berdi.
Abdulla Qurbonov
Xonanda Abdulla Qurbonov 2-sentabr kuni o‘g‘li Muzaffar Qurbonovning nikoh to‘yini o‘tkazdi. To‘y kuni uning san’atkorlar ustidan dollar sochgani ko‘plab shov-shuvlarga sabab bo‘lgandi.
Sobirjon Mo‘minov
5. O‘zbekistonda xizmat ko‘rsatgan artist Sobirjon Mo‘minov 4-sentabr kuni birvarakayiga uchta o‘g‘lini uylantirdi. Ro‘zimuhammad. Sardor va Sarvarning nikoh to‘ylari poytaxtdagi eng ko‘rkam restoranlarning birida bo‘lib o‘tdi.
Tohir Sodiqov
O‘zbekistonda xizmat ko‘rsatgan artist Tohir Sodiqov 11-oktabr kuni ikkinchi qizi Asalni turmushga berdi. To‘yda o‘zbek estradasining eng ko‘zga ko‘ringan vakillari ishtirok etishdi.
Rahmonali Suropov
Tomoshabinlarga “Qalpoq” hajviy ko‘rsatuvi orqali tanish bo‘lgan Rahmonali Suropov uchun ham bu yil quvonchlarga boy bo‘ldi. U 22-oktabr kuni to‘ng‘ich qizini turmushga berdi. Oradan ko‘p o‘tmay o‘g‘li farzandli bo‘ldi.
Ozodbek Nazarbekov
22-oktabr kuni Madaniyat vaziri Ozodbek Nazarbekov xonadonida ham to‘y bo‘ldi. U o‘g‘lini uylantirdi. To‘y oqshomida o‘zbek san’atining eng ko‘zga ko‘ringan vakillari ishtirok etishdi va ikki yoshga baxt tilashdi.
Avaz Olimov
Shu yilning 24-oktabr kuni xonanda Avazbek Olimov o‘g‘li Javlon Olimovni uylantirdi. To‘yga o‘zbek estradasining ko‘plab vakillari tashrif buyurib, ikki yoshga baxt tilashdi.
Mahmud Namozov
O‘zbekiston xalq artisti Mahmud Namozov 15-dekabr kuni kenja qizini turmushga berdi. Poytaxtda o‘tgan nikoh oqshomida ko‘plab estrada yulduzlari ishtirok etishdi.
Ortiq Sultonov
“Handalak” jamoasi a’zosi Ortiq Sultonov 18-dekabr kuni kenja o‘g‘lini uylantirdi. To‘yda ko‘plab so‘z ustalari, aktyor va xonandalar ham ishtirok etishdi.
Ra’no Zokirova
“Erkatoy”, “Masxaraboz” va boshqa filmlardagi ijrolari bilan muxlislariga yaxshi tanish bo‘lgan aktrisa Ra’no Zokirova 27-dekabr kuni o‘g‘li Umid Zokirovni uylantirdi. Umid Zokirovning rafiqasi Dilbar Zokirova ham aktrisalik sohasida faoliyat yuritadi. To‘yda o‘zbek shou-biznesining taniqli vakillari ishtirok etib, yoshlarga baxt tiladi.
Farhod Saidov
“Sarbon” guruhi xonandasi Farhod Saidov qizining Andijondagi to‘yi 21-dekabr kuni bo‘lib o‘tdi. “Handalak” kulgi jamoasining a’zosi Zokir Ochildiyev Farhod Saidovning qudasi san’at sohasida faoliyat yuritishini ma’lum qildi.
Xonandaning qizining Toshkentdagi to‘yi 25-dekabr kuni poytaxtdagi restoranlarning birida bo‘lib o‘tdi. Nikoh oqshomida xonanda oila a’zolari bilan raqsga tushdi.
To‘yda o‘zbek shou-biznesining taniqli vakillari mehmon bo‘ldi.
Mavzuga doir: 2021-yilda o‘g‘il uylantirib, qiz uzatgan mashhurlar (foto).
Izoh (0)