2022 йил нафақат кўплаб шоу-бизнес ва маданият соҳа вакиллари оила қуришди, балки фарзандларининг никоҳ тўйини ўтказганлар ҳам кўп бўлди. Хўш, якунланаётган йилда машҳур инсонларда кимлар қайнона ва қайнота бўлиш шарафига муяссар бўлишди.
Зулайҳо Бойхонова
Ўзбекистон халқ артисти Зулайҳо Бойхонова 2 февраль куни ёлғиз ўғлини уйлантирди. Тўйда кўплаб санъат вакиллари иштирок этиб, икки ёшга бахт тилашди.
Саида ва Жумадулла Раметов
Бу йил Раметовлар оиласи оиласи учун қувончли воқеаларга бой бўлди. Саида ва Жумадулла Раметовлар якунланаётган йилнинг 4 март куни кенжа ўғли Азиз Раметовни уйлантиришди. Ундан кейин қўшалоқ набирали бўлишди. Йил якунида эса Азиз Раметов ўғил фарзандли бўлганлигини маълум қилди.
Учқун Тиллаев
Ўзбекистонда хизмат кўрсатган артист Учқун Тиллаев 1 август куни ўғли Турғунбекни уйлантирди. Тўйга кўплаб таниқли театр ва кино актёрлари ташриф буюриб, Ситорахон ва Турғунбекка бахт тилашди.
Асадилло Набиев
15 август куни Ўзбек Миллий академик драма театри актёри Асадилло Набиев ҳам қизини турмушга берди.
Абдулла Қурбонов
Хонанда Абдулла Қурбонов 2 сентябрь куни ўғли Музаффар Қурбоновнинг никоҳ тўйини ўтказди. Тўй куни унинг санъаткорлар устидан доллар сочгани кўплаб шов-шувларга сабаб бўлганди.
Собиржон Мўминов
5. Ўзбекистонда хизмат кўрсатган артист Собиржон Мўминов 4 сентябрь куни бирваракайига учта ўғлини уйлантирди. Рўзимуҳаммад. Сардор ва Сарварнинг никоҳ тўйлари пойтахтдаги энг кўркам ресторанларнинг бирида бўлиб ўтди.
Тоҳир Содиқов
Ўзбекистонда хизмат кўрсатган артист Тоҳир Содиқов 11 октябрь куни иккинчи қизи Асални турмушга берди. Тўйда ўзбек эстрадасининг энг кўзга кўринган вакиллари иштирок этишди.
Раҳмонали Суропов
Томошабинларга «Қалпоқ» ҳажвий кўрсатуви орқали таниш бўлган Раҳмонали Суропов учун ҳам бу йил қувончларга бой бўлди. У 22 октябрь куни тўнғич қизини турмушга берди. Орадан кўп ўтмай ўғли фарзандли бўлди.
Озодбек Назарбеков
22 октябрь куни Маданият вазири Озодбек Назарбеков хонадонида ҳам тўй бўлди. У ўғлини уйлантирди. Тўй оқшомида ўзбек санъатининг энг кўзга кўринган вакиллари иштирок этишди ва икки ёшга бахт тилашди.
Аваз Олимов
Шу йилнинг 24 октябрь куни хонанда Авазбек Олимов ўғли Жавлон Олимовни уйлантирди. Тўйга ўзбек эстрадасининг кўплаб вакиллари ташриф буюриб, икки ёшга бахт тилашди.
Маҳмуд Намозов
Ўзбекистон халқ артисти Маҳмуд Намозов 15 декабрь куни кенжа қизини турмушга берди. Пойтахтда ўтган никоҳ оқшомида кўплаб эстрада юлдузлари иштирок этишди.
Ортиқ Султонов
«Ҳандалак» жамоаси аъзоси Ортиқ Султонов 18 декабрь куни кенжа ўғлини уйлантирди. Тўйда кўплаб сўз усталари, актёр ва хонандалар ҳам иштирок этишди.
Раъно Зокирова
«Эркатой», «Масхарабоз» ва бошқа фильмлардаги ижролари билан мухлисларига яхши таниш бўлган актриса Раъно Зокирова 27 декабрь куни ўғли Умид Зокировни уйлантирди. Умид Зокировнинг рафиқаси Дилбар Зокирова ҳам актрисалик соҳасида фаолият юритади. Тўйда ўзбек шоу-бизнесининг таниқли вакиллари иштирок этиб, ёшларга бахт тилади.
Фарҳод Саидов
«Сарбон» гуруҳи хонандаси Фарҳод Саидов қизининг Андижондаги тўйи 21 декабрь куни бўлиб ўтди. «Ҳандалак» кулги жамоасининг аъзоси Зокир Очилдиев Фарҳод Саидовнинг қудаси санъат соҳасида фаолият юритишини маълум қилди.
Хонанданинг қизининг Тошкентдаги тўйи 25 декабрь куни пойтахтдаги ресторанларнинг бирида бўлиб ўтди. Никоҳ оқшомида хонанда оила аъзолари билан рақсга тушди.
Тўйда ўзбек шоу-бизнесининг таниқли вакиллари меҳмон бўлди.
Мавзуга доир: 2021 йилда ўғил уйлантириб, қиз узатган машҳурлар (фото).
Изоҳ (0)