Yorqin Malikov 30-dekabr kuni O‘zbekiston Eksportchilari uyushmasi raisi etib tayinlandi. Bu haqda uyushma axborot xizmati xabar berdi.
Qayd etilishicha, u shu kunga qadar Eksportchilar uyushmasi raisining birinchi o‘rinbosari lavozimida faoliyat yuritib kelgan. Yorqin Malikov 1987-yil Toshkent shahrida tug‘ilgan. Millati — o‘zbek. Ma’lumoti — oliy.
Yorqin Erkinjonovich 2010—2018-yillar davomida “Evro Star Trade” oilaviy korxonasi direktori o‘rinbosari bo‘lib ishlagan. 2018-yildan hozirga qadar — Prime Holding MCHJ direktori, 2019-yildan O‘zbekiston Eksportchilari uyushmasi boshqaruv raisining birinchi o‘ribosari, shu bilan birga, Xalq deputatlari Olmazor tumani kengashi deputati sifatida faoliyat yuritib kelmoqda.
Yorqinjon Malikov ish faoliyati davomida o‘zbekistonlik tadbirkorlardan iborat 30 ga yaqin delegatsiya tashriflarini amalga oshirgan. Xususan, mahalliy tadbirkorlarning Afg‘oniston, Tojikiston, Qirg‘iziston, Qozog‘iston, Turkiya kabi davlatlarda tashkil etilgan yirik xalqaro ko‘rgazmalar, biznes-forumlarda ishtirok etishiga bosh bo‘lgan.
Izoh (0)