Messenjerlar orasida 2019-yildan 2022-yilgacha Yevropadagi foydalanuvchilar eng ko‘p Telegram ilovasini yuklab olgan. Bu haqda Sensor Tower tahlilchilariga tayanib Forbes xabar bermoqda.
Sensor Tower ma’lumotlariga ko‘ra, Telegram Rossiya, Turkiya va Fransiyada eng mashhur messenjer bo‘lgan.
Pavel Durov asos solgan ilova uchun oxirgi uch yil ichida eng samarali davr 2022-yilning birinchi uch choragi bo‘ldi.
Shundan so‘ng, tahlilchilar ta’kidlaganidek, Telegram WhatsApp bilan bo‘shliqni deyarli yopdi va Telegram Premium obunasini ishga tushirdi, u yanvar va noyabr oylarida 3 million dollardan ortiq daromad keltirdi.
Viber, Discord, WhatsApp va Signal ham eng tez rivojlanayotgan messenjerlardan edi. Signal dasturi uchun 2022-yilning birinchi uch choragida eng yirik bozorlar Ukraina va Germaniya bo‘ldi.
2022-yilning yanvar oyidan noyabrigacha eng tez rivojlanayotgan ilovalar uchligiga TikTok, WhatsApp va Telegram kirdi.
Sensor Tower tahlilchilari 2023-yilda Telegram ushbu reytingda ikkinchi o‘rinni egallashini taxmin qilmoqda.
Shu yilning iyun oyida Telegram vakillari ilovaning faol foydalanuvchilari soni 700 million kishidan oshgani va ilova 2022-yilda dunyoda yuklab olingan eng yaxshi 5 ta ilovaga kirgani haqida xabar bergan edi.
Izoh (0)