Telegram сўнгги уч йил ичида Европада энг кўп юклаб олинган мессенжерга айланди

Мессенжерлар орасида 2019 йилдан 2022 йилгача Европадаги фойдаланувчилар энг кўп Telegram иловасини юклаб олган. Бу ҳақда Sensor Tower таҳлилчиларига таяниб Forbes хабар бермоқда.

Sensor Tower маълумотларига кўра, Telegram Россия, Туркия ва Францияда энг машҳур мессенжер бўлган. 

Павел Дуров асос солган илова учун охирги уч йил ичида энг самарали давр 2022 йилнинг биринчи уч чораги бўлди. 

Шундан сўнг, таҳлилчилар таъкидлаганидек, Telegram WhatsApp билан бўшлиқни деярли ёпди ва Telegram Premium обунасини ишга туширди, у январь ва ноябрь ойларида 3 миллион доллардан ортиқ даромад келтирди.

Viber, Discord, WhatsApp ва Signal ҳам энг тез ривожланаётган мессенжерлардан эди. Signal дастури учун 2022 йилнинг биринчи уч чорагида энг йирик бозорлар Украина ва Германия бўлди. 

2022 йилнинг январь ойидан ноябригача энг тез ривожланаётган иловалар учлигига TikTok, WhatsApp ва Telegram кирди. 

Sensor Tower таҳлилчилари 2023 йилда Telegram ушбу рейтингда иккинчи ўринни эгаллашини тахмин қилмоқда.

Шу йилнинг июнь ойида Telegram вакиллари илованинг фаол фойдаланувчилари сони 700 миллион кишидан ошгани ва илова 2022 йилда дунёда юклаб олинган энг яхши 5 та иловага киргани ҳақида хабар берган эди.