O‘zbekiston Moliya vazirligi va Koreya fond birjasi o‘rtasida Anglashuv memorandumi imzolandi. Bu haqda vazirlik matbuot xizmati xabar bermoqda.
Joriy yilning 11-dekabr kuni Moliya vazirligi va Koreya fond birjasi vakillari bilan uchrashuv bo‘lib o‘tdi.
Uchrashuvlar jarayonida mamlakatda olib borilayotgan davlat ulushi mavjud korxonalarning xususiylashtirilishi jarayoni hamda kapital bozorini rivojlantirishning asosiy yo‘nalishlari atroflicha muhokama qilindi.
Uchrashuvlar yakunida, O‘zbekistonda kapital bozorini rivojlantirishda moliyaviy texnologiyani yangilash Moliya vazirligi bilan Koreya birjasi o‘rtasida Anglashuv memorandumi imzolandi.
Mazkur Anglashuv memorandumi ikki mamlakat o‘rtasida kapital bozori yagona dasturiy-texnik kompleksni rivojlantirish, korporativ axborotlarni oshkor etish tizimini zamonaviy texologiyalardan foydalangan holda yangidan yaratishga imkon beradi.
Shuningdek, u yangi moliyaviy vositalarni yaratish hamda kapital bozori mutaxassislari bilim va ko‘nikmalarini rivojlantirish bo‘yicha kelgusi amalga oshiriladigan chora-tadbirlar uchun mustahkam poydevor bo‘lib xizmat qiladi.
Izoh (0)