O‘zbekistonda MIR to‘lov tizimi kartalari faoliyatini to‘liq tiklash to‘g‘risida qaror qabul qilinmagan, bu masala kun tartibida emas. Bu haqda O‘zbekiston Markaziy bankiga tayanib “TASS” xabar bermoqda.
Respublikada MIR kartalarining to‘laqonli faoliyatini qayta tiklash haqida gap yo‘q, — deya izoh bergan O‘zbekiston Markaziy banki vakili.
9-dekabr kuni AQSH Qozog‘iston banklariga Rossiyaning MIR tizimining to‘lov kartalari bilan operatsiyalarni amalga oshirishga ruxsat bergandi. O‘zbekiston Markaziy banki tomonidan ham shu xabar fonida izoh berilgan.
Joriy yilning mart oyida UzCard texnik sabablarga ko‘ra MIR kartalariga xizmat ko‘rsatishni to‘xtatib qo‘ygan edi. Keyinchalik 1-avgustdan MIR kartalaridan pul o‘tkazmalari qayta tiklangan.
23-sentabr kuni Uzcard texnik sabablarga ko‘ra MIR kartalariga xizmat ko‘rsatish to‘xtatilganini ma’lum qildi.
Avvalroq O‘zbekistonda MIR kartalariga xizmat ko‘rsatilmayotgani haqida xabarlar tarqalgan edi. AQSH MIR kartalari tufayli xorijiy banklar uchun sanksiyalar xavfini e’lon qilgan.
Buning ortidan Turkiyaning ikkita yirik banki MIR kartalari bilan operatsiyalarni to‘xtatgan edi. Keyinchalik Qozog‘iston va Vyetnam banklari ham MIR kartalariga xizmat ko‘rsatmasligini ma’lum qilgan.
Izoh (0)