Alisher Usmonov Rossiyada “Yil homiysi” deb topildi

Rossiya poytaxti Moskva shahrida Russian Creative Awards g‘oliblari e’lon qilindi. Bu haqda “TASS” xabar bermoqda. 

Tadbirda Rossiyada “Yil homiysi” nominatsiyasida milliarder, asli kelib chiqishi o‘zbekistonlik bo‘lgan Alisher Usmonov g‘alaba qozondi. 

Usmonov 2005-yilda tashkil qilingan “San’at, fan va sport” xayriya jamg‘armasi asoschisi hisoblanadi. 

Bu ismni hamma biladi, lekin qanday noyob shaxs ekanligini hamma ham bilavermaydi. Bu odamda insonga ta’sir qiladigan, uning o‘zi haqidagi tasavvurini o‘zgartiradigan narsalar bor: kuch, pul va shon-shuhrat. Va bunday sinovlarga hamma ham dosh bera olmaydi. Odamlar o‘zgaradi va doim ham yaxshi tomonga emas. Alisher Usmonov o‘zining o‘zgarishlaridan qochdi. Men ushbu mukofotni topshirganimdan juda xursandman va unga qilgan ishlari uchun minnatdorchilik bildiraman, — dedi Rossiya xalq artisti Andrey Konchalovskiy.

Alisher Usmonovning xayriya jamg‘armasi O‘zbekistonda ham faoliyat yuritadi.

Mavzuga doir:

• O‘zbekiston Yevropa Ittifoqidan Alisher Usmonovga nisbatan sanksiyalarni bekor qilishni so‘ramoqda — Financial Times
• Usmonovning boyligi 3,4 mlrd dollarga kamaygan: Rossiyalik milliarderlar yil boshidan beri 83,4 mlrd dollar yo‘qotdi
• Alisher Usmonov o‘zini oligarx deb hisoblamasligini ma’lum qildi