Rossiya gazining MDHdan tashqari mamlakatlarga eksporti hajmi 20 yil ichidagi eng past darajaga tushdi. Bu haqda “Gazprom” rahbari Aleksey Millerga tayanib, Bloomberg xabar bermoqda.
Unga ko‘ra, 2022-yil oxirigacha “Gazprom” MDHdan tashqari davlatlarga 100,9 milliard kub metr gaz eksport qiladi.
Agentlikning hisob-kitoblariga ko‘ra, Rossiya gazining “asosiy tashqi bozorlarga eksporti” shu tariqa 2021-yilga nisbatan 46 foizga kamaydi va “hech bo‘lmaganda asr boshidan beri eng past darajaga” yetdi.
Shu bilan birga, yil oxirigacha 412,6 milliard kub metrni tashkil etadigan gaz qazib olish hajmi 2008-yildan beri eng past ko‘rsatkich bo‘ladi va yiliga 20 foizga kamayadi.
“Gazprom” rahbari 28-dekabrda ta’kidlaganidek, ishlab chiqarish hajmi “mamlakatdagi iste’molchilar oldidagi barcha majburiyatlarni bajarish va eksport uchun zarur hajmlarni yetkazib berish uchun yetarli bo‘ladi".
Shu bilan birga, u 28-dekabr kuni “Gazprom” Sibir quvvati orqali Xitoyga kunlik gaz yetkazib berish bo‘yicha yangi rekord o‘rnatishini ta’kidladi.
Izoh (0)