Россия газининг МДҲдан ташқари мамлакатларга экспорти ҳажми 20 йил ичидаги энг паст даражага тушди. Бу ҳақда «Газпром» раҳбари Алексей Миллерга таяниб, Bloomberg хабар бермоқда.
Унга кўра, 2022 йил охиригача «Газпром» МДҲдан ташқари давлатларга 100,9 миллиард куб метр газ экспорт қилади.
Агентликнинг ҳисоб-китобларига кўра, Россия газининг «асосий ташқи бозорларга экспорти» шу тариқа 2021 йилга нисбатан 46 фоизга камайди ва «ҳеч бўлмаганда аср бошидан бери энг паст даражага» етди.
Шу билан бирга, йил охиригача 412,6 миллиард куб метрни ташкил этадиган газ қазиб олиш ҳажми 2008 йилдан бери энг паст кўрсаткич бўлади ва йилига 20 фоизга камаяди.
«Газпром» раҳбари 28 декабрда таъкидлаганидек, ишлаб чиқариш ҳажми «мамлакатдаги истеъмолчилар олдидаги барча мажбуриятларни бажариш ва экспорт учун зарур ҳажмларни етказиб бериш учун етарли бўлади".
Шу билан бирга, у 28 декабрь куни «Газпром» Сибир қуввати орқали Хитойга кунлик газ етказиб бериш бўйича янги рекорд ўрнатишини таъкидлади.
Изоҳ (0)