“Liverpul” Kodi Gakpo bilan shartnoma imzolaganini ma’lum qildi.
Futbolchi tibbiy ko‘rikdan o‘tdi va qishki transfer oynasi ochilishi bilan jamoaga qo‘shiladi. “PSV” sobiq futbolchisi mersisaydliklar tarkibida 18-raqamda to‘p suradigan bo‘ldi.
Xabarlarga ko‘ra, APL klubi Gakpo uchun bonuslar bilan birga 50 million yevro to‘laydi.
Gakpo “PSV” tarbiyalanuvchisi hisoblanib, 2018-yildan beri asosiy jamoada harakat qilib keladi. 23 yoshli futbolchi joriy mavsum Niderlandiya chempionatida 14 o‘yin o‘tkazib, 9 gol va 12 ta golli uzatmaga mualliflik qildi.
Izoh (0)