Londonning “Arsenal” jamoasi sobiq murabbiy Arsen Venger sharafiga yodgorlik o‘rnatishga tayyor.
The Telegraph nashrining xabariga ko‘ra, haykal 2023-yildayoq “Emireyts” stadioni yaqiniga joylashtirilishi mumkin.
“Kanonirlar” uzoq vaqtdan buyon fransuz mutaxassisining xizmatlari shu tariqa taqdirlamoqchi edi, biroq Venger 2018-yilda klubdan ketganidan so‘ng jamoaning o‘yinlariga tashrif buyurmagandi. “Vest Hem”ga qarshi bahsni esa stadiondan tomosha qildi.
Arsen Venger 1996-yildan 2018-yilga qadar “kanonirlar”ni boshqargan. Shu vaqt ichida 3 marta APLda, 7 martadan Angliya Kubogi va Angliya Superkubogida zafar quchgan.
Izoh (0)