«Ливерпуль» Коди Гакпо билан шартнома имзолаганини маълум қилди.
Футболчи тиббий кўрикдан ўтди ва қишки трансфер ойнаси очилиши билан жамоага қўшилади. «ПСВ» собиқ футболчиси мерсисайдликлар таркибида 18-рақамда тўп сурадиган бўлди.
Хабарларга кўра, АПЛ клуби Гакпо учун бонуслар билан бирга 50 миллион евро тўлайди.
Гакпо «ПСВ» тарбияланувчиси ҳисобланиб, 2018 йилдан бери асосий жамоада ҳаракат қилиб келади. 23 ёшли футболчи жорий мавсум Нидерландия чемпионатида 14 ўйин ўтказиб, 9 гол ва 12 та голли узатмага муаллифлик қилди.
Изоҳ (0)