Xalq ta’limi vazirligi o‘quvchilarning kelajakdagi qiziqishini aniqlash maqsadida so‘rovnoma o‘tkazdi. So‘rovnomada 936 ming nafar 9—11 sinf o‘quvchilari ishtirok etdi.
O‘quvchilar asosan ta’lim (27 foiz), sog‘liqni saqlash (12 foiz), AKT va iqtisodiyot (11 foiz) sohalarida ishlash hamda 100 ming nafarga yaqin bitiruvchilar tadbirkor bo‘lish istagini bildirdi.
O‘quvchilarga kasblar to‘g‘risida kengroq tushuncha berish maqsadida yangi darsliklarga 300 dan ortiq kasbga oid mavzular kiritildi. 7—11-sinf o‘quvchilarini individual diagnostika qilish, qiziqishlarini aniqlash va kasbga yo‘naltirish ishlarini raqamlashtirish bo‘yicha “Kab.maktab.uz” platformasi yaratildi.
450 dan ortiq o‘zbek tilidagi videodarslarga ega bo‘lgan zamonaviy kasblarga o‘qitish kurslari yaratildi. Sanoat, ishlab chiqarish, xizmat ko‘rsatish, agrotexnologiya korxonalariga uyushtirilgan ekskursiyalarda yarim milliondan ortiq o‘quvchilar ishtirok etdi.
Mavzuga doir: O‘zbekistonda 11-sinf o‘quvchilarining 11 foizi maktabni bitirgach xorijga ketmoqchi — So‘rovnoma
Izoh (0)