Tashqi mehnat migratsiyasi Rossiyada ishlayotgan o‘zbekistonliklarni ogohlikka chaqirdi.
Agentlik matbuot xizmati xabariga ko‘ra, so‘nggi vaqtlarda Rossiyada ishlayotgan o‘zbekistonliklar orasida internet orqali katta miqdordagi pul evaziga mahsulotlarni bir manzildan ikkinchi manzilga yetkazib berish haqidagi e’lonlar bo‘yicha muammolar yuzaga kelmoqda.
Murojaatlardan ma’lum bo‘lishicha, norasmiy kuryerlik xizmatlarida narkotik yoki taqiqlangan moddalar solingan buyurtmalarni yetkazib berish (zakladka) taklif qilinmoqda va buning oqibatida politsiya xodimlari tomonidan kuryerlar ushlanib, jinoiy javobgarlikka tortilmoqda.
“Shu munosabat bilan, yurtdoshlarimizdan norasmiy kuryerlik xizmatlarida ishlamaslikni, katta miqdordagi pul evaziga shubhali buyumlarni bir manzildan ikkinchi manzilga yetkazib bermaslikni yoki mahsulotni albatta tekshirishni so‘raymiz”, — deyiladi xabarda.
Eslatib o‘tamiz, Rossiya qonunchiligiga ko‘ra, narkotik moddalarni sotish yoki yetkazib berish uchun uzoq muddatli qamoq jazosi belgilangan.
Mazvuga doir:
- Xorijda qiyin ahvolga tushganlarning ko‘pchiligini ishlash uchun norasmiy ketganlar tashkil qiladi — Tashqi mehnat migratsiyasi agentligi
- “Ko‘pchilik aldanib qolmoqda”. Xorijga ishlagani bormoqchi bo‘lgan ayrim o‘zbeklar katta pulga chuv tushayotgani aytildi
- Rossiyada 200 ming nafar o‘zbekistonlik norasmiy ishlayotgani ma’lum qilindi
Izoh (0)