Ташқи меҳнат миграцияси Россияда ишлаётган ўзбекистонликларни огоҳликка чақирди.
Агентлик матбуот хизмати хабарига кўра, сўнгги вақтларда Россияда ишлаётган ўзбекистонликлар орасида интернет орқали катта миқдордаги пул эвазига маҳсулотларни бир манзилдан иккинчи манзилга етказиб бериш ҳақидаги эълонлар бўйича муаммолар юзага келмоқда.
Мурожаатлардан маълум бўлишича, норасмий курьерлик хизматларида наркотик ёки тақиқланган моддалар солинган буюртмаларни етказиб бериш (закладка) таклиф қилинмоқда ва бунинг оқибатида полиция ходимлари томонидан курьерлар ушланиб, жиноий жавобгарликка тортилмоқда.
«Шу муносабат билан, юртдошларимиздан норасмий курьерлик хизматларида ишламасликни, катта миқдордаги пул эвазига шубҳали буюмларни бир манзилдан иккинчи манзилга етказиб бермасликни ёки маҳсулотни албатта текширишни сўраймиз», — дейилади хабарда.
Эслатиб ўтамиз, Россия қонунчилигига кўра, наркотик моддаларни сотиш ёки етказиб бериш учун узоқ муддатли қамоқ жазоси белгиланган.
Мазвуга доир:
- Хорижда қийин аҳволга тушганларнинг кўпчилигини ишлаш учун норасмий кетганлар ташкил қилади — Ташқи меҳнат миграцияси агентлиги
- «Кўпчилик алданиб қолмоқда». Хорижга ишлагани бормоқчи бўлган айрим ўзбеклар катта пулга чув тушаётгани айтилди
- Россияда 200 минг нафар ўзбекистонлик норасмий ишлаётгани маълум қилинди
Изоҳ (0)