AQSHda qor bo‘roni kamida 57 kishining o‘limiga sabab bo‘ldi, deb xabar bermoqda NBC News telekanali.
O‘lim holatlari 12 shtatda qayd etilgan: Kolorado, Illinoys, Kanzas, Kentukki, Michigan, Missuri, Nebraska, Nyu-York, Ogayo, Oklaxoma, Tennessi va Viskonsin.
Nyu-York g‘arbidagi Eri okrugida sovuq havo ta’siridan 27 kishi halok bo‘ldi. Mahalliy hukumatlar qor tinmasa, yomon ob-havo qurbonlari soni ortishini taxmin qilmoqda. Eri okrugi tibbiy ekspertizasi idorasiga ko‘ra, ko‘pchilik qurbonlar qor tozalash paytida yurak xastaligidan vafot etgan, boshqalari esa mashinalarda o‘lik holda topilgan.
AQSH prezidenti Jo Bayden Nyu-York shtatida favqulodda holat e’lon qildi, bu esa Favqulodda vaziyatlarni boshqarish federal agentligiga jabrlangan hududda tabiiy ofat oqibatlarini bartaraf etish bo‘yicha sa’y-harakatlarni muvofiqlashtirish huquqini beradi.
“Prezident Bayden Nyu-York shtatida favqulodda holat e’lon qildi va 2022-yil 23-dekabrdan boshlangan kuchli bo‘ron oqibatida yuzaga kelgan favqulodda vaziyatlar tufayli shtat va mahalliy choralarga qo‘shimcha federal yordam ko‘rsatishni buyurdi”, — deyiladi Oq uy saytidagi xabarda.
Izoh (0)