АҚШда қор бўрони камида 57 кишининг ўлимига сабаб бўлди, деб хабар бермоқда NBC News телеканали.
Ўлим ҳолатлари 12 штатда қайд этилган: Колорадо, Иллинойс, Канзас, Кентукки, Мичиган, Миссури, Небраска, Нью-Йорк, Огайо, Оклахома, Теннесси ва Висконсин.
Нью-Йорк ғарбидаги Эри округида совуқ ҳаво таъсиридан 27 киши ҳалок бўлди. Маҳаллий ҳукуматлар қор тинмаса, ёмон об-ҳаво қурбонлари сони ортишини тахмин қилмоқда. Эри округи тиббий экспертизаси идорасига кўра, кўпчилик қурбонлар қор тозалаш пайтида юрак хасталигидан вафот этган, бошқалари эса машиналарда ўлик ҳолда топилган.
АҚШ президенти Жо Байден Нью-Йорк штатида фавқулодда ҳолат эълон қилди, бу эса Фавқулодда вазиятларни бошқариш федерал агентлигига жабрланган ҳудудда табиий офат оқибатларини бартараф этиш бўйича саъй-ҳаракатларни мувофиқлаштириш ҳуқуқини беради.
«Президент Байден Нью-Йорк штатида фавқулодда ҳолат эълон қилди ва 2022 йил 23 декабрдан бошланган кучли бўрон оқибатида юзага келган фавқулодда вазиятлар туфайли штат ва маҳаллий чораларга қўшимча федерал ёрдам кўрсатишни буюрди», — дейилади Оқ уй сайтидаги хабарда.
Изоҳ (0)