Sankt-Peterburgdagi norasmiy sammitda MDH mamlakatlari vakillariga Yangi yil tabriklari yozilgan uzuklar sovg‘a qilindi. Bu haqda Belarus prezidenti Aleksandr Lukashenkoga yaqin bo‘lgan “Пул Первого” Telegram-kanali xabar berdi.
Sovg‘ani Lukashenkodan tashqari, to‘qqiz nafar yetakchi: Rossiya, Ozarbayjon, Qozog‘iston, Qirg‘iziston, Tojikiston, Turkmaniston va O‘zbekiston prezidentlari Vladimir Putin, Ilhom Aliyev, Qosim-Jo‘mart To‘qayev, Sadir Japarov, Emomali Rahmon, Serdar Berdimuhamedov, Shavkat Mirziyoyev hamda Armaniston bosh vaziri Nikol Pashinyan qo‘lga kiritgan.
Uzukning o‘rtasiga MDH ramzi tushirilgan, ichki qismiga esa katta harflar bilan “Yangi 2023-yil muborak” degan tabrik yozilgan. Shuningdek, uzukda sammit o‘tkazilgan mamlakat — Rossiya nomini ham ko‘rish mumkin.
Sammit Sankt-Peterburgda 26-dekabr kuni B.N.Yelsin nomidagi kutubxonada bo‘lib o‘tdi. Siyosatchilar qariyb yetti soat davomida muloqot qildi.
Sammit bugun, 27-dekabr kuni ham davom etadi.
Mavzuga doir:
Izoh (0)