Xitoyda uch haftada 250 mln kishi koronavirusga chalindi. Hukumat COVID-19 statistikasini e’lon qilishni to‘xtatdi

Xitoy rasmiylari so‘nggi uch haftada mamlakatda 250 millionga yaqin odam koronavirusga chalinganini ma’lum qildi. Bu haqda Fox News xabar berdi.

Xitoy Kasalliklarni nazorat qilish va oldini olish markazi direktori o‘rinbosari Sun Yang yuqori lavozimli amaldorlarning yopiq eshiklar ortida o‘tgan uchrashuvida bu raqamlarni taqdim etdi. Infeksiya darajasi o‘sishda davom etmoqda va Pekin, Sichuan aholisining yarmidan ko‘pi allaqachon kovid yuqtirgan.

Kasallik sonining oshishi fonida, Xitoy Milliy sog‘liqni saqlash komissiyasi 25-dekabrdan boshlab COVID-19 bilan bog‘liq kundalik statistik ma’lumotlarni e’lon qilishni to‘xtatdi.

“COVID-19 haqidagi tegishli ma’lumotlar Xitoy Kasalliklarni nazorat qilish va oldini olish markazlari tomonidan tadqiqot maqsadlarida e’lon qilinadi”, — deyiladi komissiya bayonotida.

Shu bilan birga, komissiya buning sabablarini tushuntirmagan. Xitoyda 20-dekabr kuni bor-yo‘g‘i bir kunda 37 million kishi koronavirus bilan kasallangani keltirib o‘tilgandi. Kunlik o‘lim darajasi besh ming kishi atrofida bo‘lgan. Rasmiy ravishda, Xitoy hukumati dekabr oyi boshidan beri atigi kasallanishning uch ming holatni tasdiqlagan.